✦ Loru mahalı Dağ Borçalı qəzasında Loru qala məscidi 1238-ci ildə inşa olunub. Cəlaloğlu şəhərindən 4 km Şərqdə Loru şəhərindəki qalanın içində yerləşir. Qərbi Azərbaycan torpaqlarında inşa edilib və bu günədək mövcud olduğu müəyyən edilən məscidlərdən biridir. Məscidin iç memarlığı Şuşadakı Gövhərağa məscidi ilə oxşarılıq təşkil edir. Geniş və hündür tavan quruluşuna sahibdir. Zəmininə mərmər daşlar döşənib. Sağ tərəfdə pəncərə və kiçik yaşıl rəngdə masa görünür. Məscidin qarşısındakı qəbirüstü abidəyə (xaç əlavə edilərək) və daxili hissəsinə erməni elementləri əlavə olunmaqla, ermənilər tərəfindən kilsəyə çevrilib. Üstü ot təbəqəsi ilə örtülüb.