✦ Hacı İmamverdi bəy məscidi İrəvan şəhərinin yerli azərbaycanlı əhalinin yaşadığı məhəllələrindəki dini-memarlıq abidələrindən biri olmuşdur. Məscid haqqında məlumata həm XIX əsrin əvvəllərində İrəvan şəhərinin təsvirini verən İ. Şopenin qeydlərində, həm də 1914- cü ilə aid arxiv sənədində şəhərdəki məscidlərin əmlakına dair tərtib olunmuş siyahıda rast gəlinir. Bu fakt məscidin uzun müddət fəaliyyət göstərdiyini və rəsmi qaydada tanındığını göstərir.

✦ Məscidin dəqiq tikinti tarixi, eləcə də memarlıq xüsusiyyətləri barədə məlumat günümüzə qədər gəlib çatmamışdır. XX əsrin əvvəllərindən etibarən İrəvanın memarlıq irsinə qarşı aparılan sistemli dağıdıcı siyasət nəticəsində məscid tamamilə məhv edilmiş və hazırda ondan heç bir fiziki iz qalmamışdır.