✦ Xan məscidi və ya Abbas Mirzə məscidi kimi adlanmışdır. Qala Abbas Mirzə Qacar tərəfindən inşa etdirildiyinə görə belə adlandırılmışdır. 1828-ci ildə İrəvan xanlığının və İrəvan şəhərinin ruslar tərəfindən işğal edilməsindən sonra məscid ruslar tərəfindən cəbbəxana kimi istifadə edilmişdir. Sovet dövründə isə məscid məhv edilmiş, dövrümüzə isə divarlarının bir hissəsi gəlib çatmışdı. 2008-ci ildə isə məscidin qalan xarabalığı da məhv edilmişdir.