✦ Şörəyel mahalının Ərtik rayonu ərazisində, Alagöz dağının qərb yamacında, Şirvancıq (15.07.1948-ci ildən – Lernakert) kəndində türk xristian məbədi. V yüzilliyə aid birnefli bazilika tavanını istisna olmaqla, demək olar ki, ilkin görünüşü ilə günümüzə qədər gəlib çıxmışdır. Xarici divarlarının ölçüləri 22,4 × 8,2 metrdir. Məbədin yerləşdiyi ərazi qədimdən Türk-Oğuz boylarının anayurdu olmuş, bu yerlərə ermənilərin ilk kütləvi axını XIX yüzilin əvvəllərində bölgənin Rusiya imperiyası tərəfindən işğalından sonra başlanmışdır.