✦ 1679-cu ildə köhnə körpü zəlzələ nəticəsində dağılır, lakin 1680-ci ildə o yenidən tikilir. 1850-ci ildə rus mühəndisləri əvvəlki görünüşünü qoruyaraq körpünün təmirini həyata keçirdirlər. Körpü iki aralı daş tağdan ibarətdir. Tağlar arasında məsafə 14 + 14.1 m ölçülüdür. Yağış suyunun keçməsi üçün dayaqlarda dəliklər vardır. Körpünün sivri sütunları və eyni zamanda sütunların alt hissələri yonulmuş tüfdən hazırlanmışdır. Üst hissələr və bənd qalın kərpic birləşmələri olan bir məhlulun üzərinə qoyulmuş və arxivoltların sərt naxışının qabarıq olduğu mənzərəli fon yaratmışdır. Üzəri tüflə örtülmüşdür. Körpünün ümumi uzunluğu 87,5 m, yolun eni 6,5 m, su səviyyəsindən hündürlüyü 11 m olmuşdur. İlkin mənbədə son cümlənin başlanğıc hərfləri əlavə edildikdə, körpünün tikildiyi il tərtib ediləcəkdir. İslam təqviminə görə 1035, Qriqorian təqviminə görə 1680-ci ilə uyğun gəlir. 1940-cı illərin ortalarına qədər, Qələbə körpüsü tikilməzdən əvvəl Qırmızı körpü şəhəri Zəngi çayının sağ sahili ilə birləşdirən əsas və yeganə körpü idi. Ancaq Qələbə körpüsü inşa edildikdən sonra Qırmızı körpü tərk edilir və əhəmiyyətini itirir. Hazırda körpü baxımsız və yarı ucuq vəziyyətdədir. İrəvanın orta əsrlərdən bu günə qədər mövcudluğunu qoruyub saxlaya bilən nadir tikililərindən biridir.